最令人不安的是香港正充斥這種「忠誠的廢物」🤮🤮🤮🤮
//艾未未接受港台訪問時，話對事件感到遺憾，但同時覺得有啲興奮，認為係為他喺當今藝術史上投咗贊同票。佢形容，容海恩作為立法會議員，將藝術範疇視為與政治對抗，係對藝術唔理解，指藝術嘅核心價值係提出問題同對權威嘅質疑。//
#Repost @appledailyhk with @make_repost
・・・
【容海恩批鬥M+艾未未作品或違國安法 被藝術界斥見識少】
容海恩今朝繼續批鬥M+博物館，喺一個電台節目指其中一幅藝術家艾未未嘅作品，相中人以中指指向北京天安門廣場，質疑對中國不敬。
容海恩甚至乎話，作品係瑞士人贈送，質疑有冇任何人透過資助或任何形式支援引發市民對中央人民政府或嘅憎恨，重申有可能違反「港版國安法」。
藝發局視覺藝術小組主席陳錦成喺電台節目話M+博物館係專業博物館，藏品規定嚴格，有唔同嘅委員會監察收藏過程，符合國際慣例，認為艾未未有關作品基本方向係挑戰權威，如果只抽出對中國權威嘅挑戰、而未有留意對其他政權嘅挑戰，並非完整理解艾未未作品。
佢直接批評容海恩可能見識少，而且唔識文化藝術，話藝術館有教育作用，可以畀資源「好似容小姐呢啲唔識文化藝術嘅人」虛心去學，重申擔心日後造成自我審查。
特首林鄭月娥噚日出席立法會質詢環節，容海恩就話西九文化區「M+博物館」有藝術品涉違《國安法》，問林鄭點處理，獲對方回覆會「警惕」。
Search